8-мартта Жайыл районунун Ички иштер бөлүмүнө 1987-жылы туулган эркек киши кайрылып, 7-мартта белгисиз адамдар WhatsApp аркылуу байланышып, ишенимин жеңип, 25 миң килограммдан ашык жүгерини сатып алууну сунуштаганын айтты. Жаман ниеттүүлөр аны биринчи кезекте акча которууга көндүрүшкөн.
Натыйжада жабырлануучу 450 миң сомду А.А. аттуу жарандын банкттык картасына, ошондой эле 162,5 миң сомду башка адамдын эсеп номерине которгон. Ошентип, жалпы зыяндын суммасы 612 миң сомду түздү. Бирок акча которулган товарды ал алган жок.
Бул факт боюнча Кыргыз Республикасынын Кылмыш кодексинин 209-1-беренесине ылайык кылмыш иши козголду, ал электрондук төлөм каражаттарын, виртуалдык активдерди жана SIM-карталарды үчүнчү жактарга атайылап өткөрүп берүү же сатуу менен байланыштуу.
Милиция кызматкерлери акча которулган банкттык картанын ээсин аныктоого жетишти. 1988-жылы туулган шектүү Кыргыз Республикасынын Кылмыш процессуалдык кодексинин 96-беренесине ылайык кармалып, убактылуу кармоо жайына жайгаштырылды. Сот аны эки айга камакка алуу чечимин кабыл алды.
Тергөө иш-аракеттери кармалган адам өзүнүн банкттык карталары тууралуу үчүнчү жактарга маалымат бергенин көрсөттү, бул дагы кылмыш жоопкерчилигине тартылуучу аракет.
Учурда укук коргоо органдары тергөө иштерин улантууда жана кылмыш схемасына катышкан башка адамдарды аныктоодо. Чүй облусунун Ички иштер башкармалыгы SIM-карталарды жана банкттык карталарды үчүнчү жактарга өткөрүп берүү кылмыш экенин эске салды.
