Генералдык прокуратуранын басма сөз кызматынын сүрөтү. Талас шаарындагы ветеринардык башкармалыктын участогу 16,9 миллион сомго кайтарылды
Жер мыйзамдарынын нормаларын сактоо боюнча текшерүү жүргүзүлгөндө, 1996-жылы бул участокто жайгашкан складдык курулмалары менен бирге мыйзамсыз түрдө жеке колго өткөрүлгөнү аныкталды. Мурда ал Талас райондук ветеринардык кызмат башкармалыгына таандык болгон.
Прокуратуранын кийлигишүүсүнөн кийин, баасы 16 миллион 948 миң 600 сомду түзгөн мүлк мамлекеттик баланска кайтарылды.
Кыргызстанда мыйзамсыз түрдө жеке колго өткөрүлгөн объектилерди деприватизациялоо боюнча активдүү иштер улантылууда. Прокуратура социалдык мекемелерге таандык жерлерге өзгөчө кылдаттык менен көз салып турат. 2025-жылы мамлекетке жүздөгөн гектар жер кайтарылып, алардын жалпы баасы миллиард сомдон ашты.
