16-17-мартта Экстремизмге каршы күрөшүү жана мыйзамсыз миграция боюнча кызматтын адистери чет өлкөгө жумушка жиберүү менен алектенген жеке агенттиктерди текшерүү үчүн чет өлкөдөгү жарандарды жумушка орноштуруу борбору менен биргеликте иш жүргүзүштү.
Текшерүүлөрдүн натыйжасында, бир катар агенттиктер мыйзамда каралган зарыл лицензиясыз иш алып баргандыгы аныкталды. Натыйжада беш агенттиктин иши токтотулду. Аларга административдик чаралар, анын ичинде ар бир юридикалык жакка 55 000 сомдук айыппулдар салынды. Жыйынтыгында, айыппулдардын жалпы суммасы 275 000 сомду түздү.
