Төтөнчө кырдаалдар министрлиги Кара-Балта үстүнөн төмөнкү бийиктикте учуп өткөн вертолеттун министрликке таандык экени тууралуу айрым медиа булактарында чыккан ушактарды четке какты.
Чүй облусунун Кара-Балта шаарында жашаган тургундар, алардын айтымында, вертолет беш кабаттуу имараттын деңгээлинде учуп өткөнүн билдиришти. Көптөгөн публикацияларда бул вертолеттун МЧСке таандык болушу мүмкүн деген версиялар да айтылган.
Министрлик чындап эле коммерциялык ишмердиктин алкагында учууларды жүргүзөөрүн белгилеп, бул окуяга эч кандай тиешеси жок экенин баса белгиледи.
