Өмүр бою эркинен ажыратууга Далерджон Мирзоев, Саидакрам Рачабализода, Шамсидин Фаридун жана Мухаммадсобир Файзов тартылды. Алар террордук акт жасоодо, террордук ишмердүүлүккө көмөктөшүүдө жана террордук актыларды ишке ашыруу үчүн даярдык көрүүдө күнөөлүү деп табылды. Ар бирине 990 миң рубль өлчөмүндө айып пул да белгиленди. Алар катуу режимдеги колонияда жазасын өтөшөт.
Мындан тышкары, сот террордук акттын аткаруучуларына жардам берген 11 адамга өмүр бою жазаларды чыгарды. Алардын арасында Умеджон жана Мустаким Солиевдер, Шахромджон Гадоев, Зубайдулло Исмоилов, Хусейн Хамидов, Мухаммад Шарипзода, Якубджони Юсуфзода, Назримад Лутфуллои, Джумахон Курбонов, Хусен Медов жана Джабраил Аушев бар.
Төрт башка айыпталуучуга 19 жыл 11 айдан 22,5 жылга чейин эркинен ажыратуу мөөнөттөрү белгиленди. Алардын арасында террордук акттын аткаруучуларына турак жай берген Кыргызстандын жараны, Россия Федерациясынын гражданины Алишер Касимов да бар. Ал 22 жыл 10 айга эркинен ажыратылып, Подмосковьедеги батиринен ажыратылды.
Маалымат үчүн, "Крокус Сити Холл"дагы террордук акт 2024-жылдын 22-мартында болду. Ошол күнү террористтер "Пикник" тобунун концерти учурунда комплексине кирип, көрүүчүлөргө жана ТРЦ кызматкерлерине ок чыгарышып, андан соң концерттик залды өрттөшкөн. Трагедиянын натыйжасында 150 адам каза болду.
Соттук процесс учурунда аткаруучулардын 15 болжолдуу жардамчысы да катышты. Террордук акт үчүн жоопкерчиликти "Вилаят Хорасан" террордук тобу өзүнө алды, ал "Ислам мамлекети"нын Афганистандагы бөлүгү болуп саналат.
