Алтынай Арстанбекова 11-мартта кармалган. Ички иштер министрлигинин маалыматы боюнча, ал "Даниэль Жоошбаев" аттуу фейк аккаунтту Facebook’та колдонгон. Тергөө бул баракча аркылуу Кыргызстандын мамлекеттик структураларын дискредитациялоого жана өлкөнүн коомдук-саясий жашоосунда чыңалуу жаратууга багытталган материалдар жарыяланганын билдирүүдө.
10-мартта анын үйүндө тинтүү жүргүзүлүп, мобилдик телефондор, планшеттер, ноутбуктар, видеокамера, документтер жана териштирүү үчүн маанилүү башка буюмдар алынган.
