Мамлекеттик ишканаларда коррупцияга каршы күрөшүү учурунда «П.Б.М.» мурдагы башкаруучусу жана «М.Н.А.» башкы бухгалтери Лейлек райондук филиалынын бюджеттик каражаттарын уурдоо жана сарптоо фактысы аныкталды. Бул тууралуу укук коргоо органдарынын маалымат кызматы билдирди.
Тергөөнүн жыйынтыгы боюнча, 2025-жылдын январь айынан сентябрь айына чейин «П.Б.М.» жана «М.Н.А.» өз кызматтык ыйгарым укуктарын пайдаланып, 5 213 900 сомду уурдап алышкан.
Ошол эле мезгилде «Кыргыз почтасы» борбордук кеңсеси филиалга компьютердик техника, мебель, пластик терезелер жана оңдоо үчүн керек болгон башка буюмдарды сатып алуу үчүн каражат которгон.
Анткен менен, көрсөтүлгөн акчалардын баары «П.Б.М.» жана «М.Н.А.» тарабынан уурдалып, эч кандай сатып алуулар жүргүзүлгөн эмес.
Мындан тышкары, алар өз кызматкерлерине жогору айлык төлөп, кийинчерээк техникалык каталар деп түшүндүрүп, ашыкча акчаларды калыбына келтирүүнү суранышкан.
«П.Б.М.» жана «М.Н.А.» Кыргыз Республикасынын Кылмыш кодексинин «Тапшырылган мүлктү уурдоо же сарптоо» беренеси боюнча кылмыш иши козголду.
Алар кармалып, ГКНБнын СИЗОсунда камакта.
