Алдын ала маалыматтар боюнча, 13 адам медициналык жардамга кайрылды, алардын 11и ооруканага жаткырылды, 2си амбулатордук дарыланууда.
Бардык жабыркагандарга зарыл медициналык жардам көрсөтүлүүдө.
Алдын ала аныкталгандай, уулануунун себеби «Буффет» ашканасында даярдалган тамактар болгон.
Санитардык-эпидемиологиялык кызмат мекеменин пландан тышкаркы текшерүүсүн өткөрүп, лабораториялык изилдөөлөр үчүн продукциянын үлгүлөрүн алып кетти.
Текшерүүнүн жыйынтыгы боюнча бузулууларды аныктоо боюнча протокол түзүлүп, 23 миң сом өлчөмүндө айыппул салынды. Мындан тышкары, 11-марттан тарта ашкананын ишин убактылуу токтотуу боюнча буйрук берилди.
Бул окуя боюнча эпидемиологиялык иликтөө уланууда.
