Урматайдын айтымында, укук коргоо органдарына кайрылууга себеп болгон окуя 2026-жылдын 12-январында болгон. Аял күйөөсү анын барабан пердесин бузуп, төрт баласы менен үйдөн чыгарганын билдирет.
«2024-жылы ал мага жаактымды сындырып салган, бирок мен аны кечиргем. 2025-жылдын декабрында ал кайра мени сабап, мен бир жума бою үйдөн чыга албай калгам. Азыр кулагым жабыркаган. Сот аны болгону 48 саат коомдук иштерге жиберди, мен бул чечим менен макул эмесмин. Мен облустук сотко аппеляция бердим, бирок өкүм мурдагыдай эле калды. Учурда процесс созулуп жатат, ал эми күйөөм өзүнүн кадимки жашоосун улантууда», - деди Урматай.
Баткен облусунун Ички иштер башкармалыгы Урматай 2026-жылдын 13-январында Кызыл-Кий шаардык ИИБге кайрылганын тастыктады. Окуя электрондук журналда үй-бүлөлүк зомбулук катары катталган жана ага коргоо ордери берилген.
Текшерүүнүн жыйынтыгы боюнча, укук коргоо органдары кылмыш ишин козгоо боюнча чечим кабыл алышкан, анткени кылмыштын курамы жок болчу. Бирок административдик мыйзам бузуунун белгилери табылган, жана 33 жаштагы Б.Ю.нун үстүнөн 70-беренеге («Үй-бүлөлүк зомбулук») ылайык протокол түзүлгөн, иштин материалдары сотко жөнөтүлгөн.
Кызыл-Кий шаардык соту эркекке 48 саат коомдук иштерди аткарууга чечим чыгарды.
Милициядан билдиришкендей, Урматайдын үй-бүлөсү учурда профилактикалык каттоодо жана тиешелүү кызматтардын көзөмөлүндө. Ведомствонун маалыматы боюнча, коргоо ордеринин талаптары бузулган эмес.
