Ведомствонун маалыматы боюнча, кармалган адам М.Н.Э. болуп, ал Сузак районундагы бул экстремисттик уюмдун масул (башчы) кызматын аркалаган.
Бул адам Кыргызстандагы «Хизб ут-Тахрир» уюмунун жетекчилиги жана уюмдун эл аралык структурасынын өкүлдөрү менен байланышта болгон. Бир нече жыл бою ал экстремисттик идеяларды таратууга, жаңы жактоочуларды тартууга жана топтун мүчөлөрүнөн алардын ишмердүүлүгүн каржылоого акча чогултууга катышып келген.
Кармалган адамга карата кылмыш иши козголуп, ал УКМКнын тергөө абагына киргизилди, анда уюмдардын структураларын жана башка кылмыштуу байланыштарды аныктоого багытталган оперативдик-тергөө иш-чаралары жүргүзүлүүдө.
