Чүй облусунун Ички иштер башкармалыгынын УОБДДсынан алынган маалыматка ылайык, 2026-жылдын 2-мартынан 9-мартына чейин аймакта жол кыймылынын эрежелерин бузуу боюнча 8 355 учур катталган.
Ведомстводо патрулдук милиция кызматкерлеринин каттаган эң олуттуу укук бузуулары боюнча толук маалымат берилди:
- 1 388 жолу ылдамдыкты ашыруу;
- 399 жолу жөө адамдар тарабынан эрежелерди бузуу;
- 105 жолу транспорт каражаттарын пайдалануу эрежелерин бузуу;
- 78 жолу зарыл документтерсиз транспорт башкаруу;
- 70 жолу мас абалында унаа башкаруу;
- 58 жолу каршы тилкеге чыгуу;
- 9 жолу терезелерди мыйзамсыз тонировка кылуу.
Мындан тышкары, жол кыймылынын эрежелерин бузуу боюнча ар кандай учурларга жооп катары 268 унаа атайын айыппул токтотуучу жайларга жайгаштырылды.
