Тергөөнүн жыйынтыгы боюнча, 2019-жылдан 2024-жылга чейин мекеменин кызмат адамдары, кызматтык ыйгарым укуктарын пайдаланып, жалган конкурстарды уюштурган. Жасалма протоколдордун негизинде 49 жаранга жалпы аянты 104,19 гектар болгон жер участкалары 49 жылдык ижара мөөнөтү менен берилген.
Аныкталган мыйзам бузууларга байланыштуу прокуратура Кыргыз Республикасынын Кылмыш-жаза кодексинин 346-беренеси «Кызматтык жалгандык» боюнча кылмыш ишин козгоду.
Учурда укук коргоо органдары схеманын бардык катышуучуларын аныктоо жана жерлерди мамлекеттик менчикке кайтаруу үчүн тергөө иштерин улантууда.
