Учурда зарыл болгон соттук экспертизалар жүргүзүлүүдө, ошондой эле иштин бардык жагдайларын аныктоо максатында тергөө иштери улантылууда. ГУВД териштирүүнүн активдүү фазада экенин тастыктады.
Эскерте кетсек, Ажиев 2023-жылдын июнь айында вебкам-студияларды уюштуруу боюнча айыпталып кармалган. Ал Өзбекстан аркылуу Бириккен Араб Эмирликтерине чыгып кетүүгө аракет кылган, ошол жерде кармалган. Мындан тышкары, Э. А. ГКНБга талап-тоноо боюнча арыз менен кайрылып, вебкам-студияларда оператор болуп иштегенин жана администратор тарабынан психологиялык басымга кабылып, $2 миң талап кылынганын билдирген.
Маалыматка ылайык, Бишкектин Первомай райондук сотунун тергөө судьясы Ажиевдин мамлекетке конфискациялануучу мүлкүнө, анын ичинде 262 млн сомдук жалпы баадагы батирлер, үйлөр жана унааларга камак салган. Соттук териштирүүнүн натыйжасында Ажиев тогуз жылга эркинен ажыратылган. 18-февралда президент тарабынан анын кечирими жарыяланган.
