Маалыматтарга ылайык, Өзгөчө кырдаалдардын алдын алуу жана кесепеттерин жоюу боюнча иш-чаралардын алкагында Ак-Турпак жана Орозбеков айыл аймактарында селдик каналдардын жээгин тазалоо иштери жүргүзүлүүдө.
Бостон айылында, Пушкоот участогунда, Өзгөчө кырдаалдар министрлигинин кызматкерлери 700 метр узундуктагы селдик каналды тазалоо үчүн экскаваторду колдонушууда.
Мындан тышкары, Мин-Чынар айылында дагы бир каналдын тазалоо иштери улантылууда, анын узундугу 1 миң метрди түзөт.
Бул иш-чаралардын натыйжасында 67 турак үй, 12 гектар жерлер, 2,9 километр ички чарба жолдору, 4,15 километр ирригациялык арыктар жана жергиликтүү мектептин имараты корголот.
