Зардап чегүүчүдүн айтымында, аңчылык кылган жерде ага тааныш эмес эркек келип, күч менен анын куралын алып, аны кайтарып берүү үчүн акча талап кылган.
Бул окуя Кадамжай районунун ОВДсында катталган. Текшерүү учурунда 43 жаштагы А. У. Пум айылынын тургуну аңчынын ок атуучу куралынын затворун тартып алгандыгы аныкталган.
А. У. бөлүктү кайтарып берүү үчүн 30 миң сом талап кылып, аңчы акча төлөбөсө, мамлекеттик органдарга кайрылуу менен коркуткан.
Жүргүзүлгөн оперативдүү-издөө иш-чараларынын натыйжасында, Уч-Коргон милиция бөлүмүнүн кызматкерлери шектүү А. У.ны кармоого жетишишти.
Бул окуя боюнча Кыргыз Республикасынын Кылмыш-жаза кодексинин 208-беренеси ("Мыйзамсыз талап кылуу") боюнча кылмыш иши козголгон. Учурда тергөө иштери улантылууда.
