Жалал-Абад облустук МЧС башкармалыгынан алынган маалыматка ылайык, өрт тууралуу билдирүү 2026-жылдын 25-февралында келип түшкөн. Өрт 423-километр жолдо, Кызыл-Бейит аймагында пайда болгон.
Окуя болгон жерге Кара-Кулдан өрт өчүрүү бригадасы жөнөтүлүп, 19:20га карата өрт локализацияланган. Өрт чыккан учурда бензовоздун кабинасында эркек киши болгон, ал, тилекке каршы, кутулуп кете алган эмес.
Учурда каза болгон адамдын ким экенин аныктоо боюнча иштер жүргүзүлүүдө. Окуя болгон жерде эксперттер өрттүн себептерин аныктоо боюнча иштерди жүргүзүүдө.
