«НК «Кыргыз темир жолу» мамлекеттик ишканасы берген маалыматка ылайык, окуя 2026-жылдын 23-февралында, саат 14:10да Кара-Балта–Каинды темир жолунун 3718-километринин аралыгында болуп, поезддин машинисти адам рельстерде тургандыктан, шашылыш тормозду колдонууга мажбур болгон.
Алдын ала маалыматтарга ылайык, 2009-жылы туулган С.Р. жөө өтмөк аркылуу темир жолду кесип өтүп, иштеп жаткан сигнализацияны эске алган эмес. Өтмөктө сигнализация нормалдуу режимде иштеп, унаа айдоочулары жана жөө адамдар коопсуздук эрежелерин сактап, токтоп турушкан. «Машинисттин кабыл алган чараларына карабастан, наездден качып кутулууга мүмкүн болгон жок. Жаракат алган адам тез арада ооруканасына жеткирилди, бирок, тилекке каршы, каза болду. Поезддин тормоздук жолу анын массасы жана техникалык мүнөздөмөлөрү себептүү кыйла узун, ошондуктан составды дароо токтотуу мүмкүн эмес. Темир жолдорду кесип өтүү үчүн атайын белгиленген жерлерди гана колдонуу керек, коопсуздук эрежелерин так сактап, поезддердин жүрүү зонасында болуудан качыш керек», - деп белгилешти «Кыргыз темир жолу» өкүлдөрү.
