«2026-жылдын 13-февралында Ички иштер башкармалыгына М.Б. аттуу жаран жазуу түрүндө арыз менен кайрылып, У. аттуу жаранга чара көрүүнү өтүндү. Бул адам 2024-жылдын декабрь айында Kumtor Gold Company компаниясына жумушка орноштуруу боюнча алдамчылык жолу менен 135 миң сомду алып, изин жашырып кеткен», - деп билдиришти маалымат кызматынан.
Ленин районунун Ички иштер башкармалыгы бул факт боюнча КРнын Кылмыш-жаза кодексинин 209-беренеси (алдамчылык) боюнча кылмыш ишин козгоду.
Оперативдүү-издөө иш-чараларынын натыйжасында милиция кызматкерлери 1990-жылы туулган З.У. аттуу шектүүнү кармоого жетишти, ал Ички иштер башкармалыгынын Тергөөнү жүргүзүү кызматына жеткирилди жана КРнын Кылмыш-процессуалдык кодексинин 96-беренесине ылайык Бишкек шаарынын ГУВДсынын убактылуу кармоо жайына жайгаштырылды.
«Учурда анын дагы алты окшош кылмышка катыштыгы аныкталды», - деп кошумчалашты маалымат кызматынан.
Эгер сиз бул жосунсуздун курмандыгы болсоңуз, анда төмөнкү телефон номерлери аркылуу билдирүү бериңиз:
0 (704) 433 666, 0 (502) 441 112 же 102», - деп баса белгилешти маалымат кызматынан.
