Пресс-кызматтын маалыматына ылайык, арызды М.И. аттуу жаран берген. Ал И.У. өзүн күч структураларынын жетекчилеринин биринин уулу катары тааныштырганын жана анын акчаларын кайтарууга жардам берүүгө убада бергенин билдирген. Бул "кызмат" үчүн алдамчы 20 миң 500 сом талап кылган, андан кийин укук коргоо органдарынан качып кеткен. Бул боюнча Кыргыз Республикасынын Кылмыш кодексинин 209-беренеси "Алдамчылык" боюнча кылмыш иши козголгон.
Оперативдүү-издөө иш-чараларынын жүрүшүндө 1997-жылы туулган шектүү аныкталып, кармалды. И.У. тергөө бөлүмүнө жеткирилди, ал жерде ага электрондук көзөмөлдү колдонуу менен электрондук браслет түрүндөгү чара белгиленди.
