Ысык-Көл облусунун Ички иштер башкармалыгынан билдиришкендей, "Арсенал" аталышындагы ыкчам-профилактикалык иш-чаранын алкагында район аймагында мыйзамсыз сакталган курал-жаракты ыктыярдуу түрдө тапшыруу боюнча иштер жүргүзүлүүдө.
Иш-чаралардын жүрүшүндө Ала-Баш айылынан бир тургун милиция кызматкерлерине кайрылып, мал жайып жүргөндө "ТОЗ" маркасындагы куралды көрүп калганын билдирген. Ал башында бул нерсеге көңүл бурган эмес, анткени курал кимдир бирөөгө таандык деп ойлогон. Бирок, кийинчерээк рейддердин жүрүшүндө ал табылган жашыруун жай жөнүндө билдирүүнү чечип, куралдын жайгашкан жерин көрсөткөн.
Курал белгиленген эрежелерге ылайык катталып, соттук-баллистикалык экспертизага жөнөтүлгөн. "Арсенал" рейдинин алкагындагы ыкчам-профилактикалык иш-чаралар райондо уланууда.
Укук коргоо органдары жарандарды мыйзамсыз сакталган курал-жарактарды жана ок-дарыларды ыктыярдуу түрдө тапшырууга чакырууда. Эскерте кетүүчү нерсе, куралды ыктыярдуу түрдө тапшырган адамдар учурдагы мыйзамга ылайык кылмыш жоопкерчилигинен бошотулат.
