Бул маалыматты Ош шаары жана Ош облусунун оорулардын алдын алуу жана санитардык-эпидемиологиялык көзөмөл борборунун коммуналдык багыттагы санитардык дарыгери Канбу Калышева билдирди.
Ал шаар аймагында 12 борбор эстетикалык кызматтарды (жашартуу жана терини калыбына келтирүү) сунуштай турганын белгиледи. Беш мекеме инъекциондук процедуралар менен алектенет (дарыларды теринин астына киргизүү), алардын ичинен болгону төртөө лицензияга ээ. Эстетикалык кызматтарды сунуштаган мекемелер үчүн лицензия талап кылынбайт.
«2025-жылы косметологиялык кызматтардан кардарлардан бир дагы арыз түшкөн жок. Инъекциондук процедураларды сунуштаган борборлордо түшүндүрүү иштери жылына эки жолу, эстетикалык кызматтарды сунуштаган мекемелерде болсо жылына бир жолу өткөрүлөт. Ошондой эле рейддер уюштурулат. Эстетикалык кызматтарды сунуштаган мекемелердин көпчүлүгү өз даректерин жиӊиӊиздер, ал эми лицензияланган инъекциондук борборлор туруктуу даректе иштешет», — деди Калышева.
2025-жылы жүргүзүлгөн текшерүүлөрдүн жыйынтыгы боюнча, үч мекеме санитардык нормаларды бузганы үчүн жалпы 21 миң сомго айып салынды.
