Архивдик сүрөт. Эндрю Маунтбеттен-Виндзор Эпштейндин иши боюнча кармалды
66 жаштагы Эндрю кызматтык кылмыш жасоого шектелип кармалды.
Мурда укук коргоо органдары принцтин Эпштейнге Британия өкмөтүнө тиешелүү документтерди жашыруун өткөрүп бериши мүмкүн экендиги боюнча тергөө жүргүзүү үчүн прокуратура менен сүйлөшүүлөрдү жүргүзүп жаткандыгын билдиришкен. Учурда полиция алынган маалыматтарды талдап, кылмыш ишин ачууга негиз бар-жоктугун жана бул жагдай толук териштирүүнү талап кылып-кылбастыгын аныктоодо.
2019-жылы Эндрю Эпштейндин иши менен байланышкан чыр-чатактын фонуна байланыштуу королдук үй-бүлөдөгү расмий милдеттерин таштоого мажбур болгон. Бул америкалык Вирджиния Джуфре тарабынан коюлган айыптоолордон кийин белгилүү болду. Мындан тышкары, принц Эпштейнге байланыштуу жакында жарыяланган материалдарда аталган. Документтердин акыркы сериясында Эндрю белгисиз жаш аял менен полдо жаткан сүрөттөрү пайда болду. 2025-жылдын декабрь айында король Карл III өзүнүн инисинен бардык наамдарын алып салган.
