Милициянын маалыматы боюнча, рейд учурунда район аймагында иштеп жаткан чет элдик жарандар текшерилди. Тартип коргоо органдары мигранттардын документтерин кылдаттык менен карап, Кыргызстанда болушунун мыйзамдуулугун текшеришти.
Документтерди текшерүүдөн тышкары, Кытай — Кыргызстан — Өзбекстан темир жолун курууда иштеп жаткан чет элдик жумушчулар менен түшүндүрүү иштери жүргүзүлдү. Кээ бир адамдар кармалып, документтерин толтуруу жана идентификациялоо үчүн райондук ички иштер бөлүмүнө жеткирилди.
Профилактикалык иш-чаралардын алкагында, мурда соттолгондор, пробациялык контролдо тургандар, үй-бүлөлүк зомбулук фактылары боюнча катталган адамдар, алкоголизм жана психикалык оорулардан жабыркагандар, ошондой эле ок атуучу куралдын ээлери текшерилди.
Милиция кызматкерлери көп кабаттуу үйлөрдүн подвалдарын жана чатырларын, ошондой эле мечиттерди жана намаз окуу бөлмөлөрүн текшеришти. Кечки убакта билим берүү мекемелеринин өкүлдөрү жана социалдык кызматкерлер тартылып, түнкү патрулдар уюштурулду.
Ички иштер башкармалыгы мындай рейддер кылмыштуулуктун алдын алуу, мыйзамсыз миграция менен күрөшүү жана коомдук коопсуздукту камсыздоо максатында жүргүзүлөрүн белгиледи. Бул багытта иш улантылат.
