Кыздын жеке маалыматы такталган соң, ведомствонун кызматкерлери анын ата-энесине кайрылып, Кыргыз Республикасынын укук бузуулар кодексинин 184-беренесинин 3-бөлүгү боюнча протокол түзүштү. Аларга 15 миң сом өлчөмүндө айып пул салынды.
Ведомстводо жашы жете элек адамдардын транспортту башкаруусуна уруксат берүү мыйзамдын катуу бузулушу экенин, бул баланын коопсуздугун гана эмес, жол кыймылынын башка катышуучуларынын коопсуздугун да коркунучка салат деп белгилешти.
Ошондуктан, башкаруу ата-энелерди балдарын рулга отургузбоого чакырды.
Мындан тышкары, ведомство Жол кыймылынын эрежелеринин бузулушун байкаган учурда, жарандар бул тууралуу Жол кыймылынын коопсуздугун камсыздоо башкы башкармалыгынын ишеним телефону 0777102102 аркылуу же анын расмий социалдык тармактары аркылуу билдире алаарын эскертти.
Башкарууда келген бардык сигналдардын каралып, тиешелүү чаралар көрүлөрүнө кепилдик беришти.
