Ошол эле учурда, 205-беренеси боюнча ачылган кылмыш ишинин алкагында тергөө иштери жүргүзүлдү. Жыйналган оперативдүү маалыматтын негизинде уюшкан кылмыштуу топтун мүчөлөрүнүн жашаган даректеринде санкцияланган тинтүү жүргүзүлдү.
Тинтүү учурунда 36 жаштагы М.Н.дан 12 калибрдүү ок атуучу курал табылып, алынды. Учурда соттук-баллистикалык экспертиза дайындалды.
Ошондой эле, уюшкан кылмыштуу топтун тизмесинде турган 60 жаштагы С.М.нын дарегинде тинтүү жүргүзүлүп, 29 жаштагы С.А. кармалды. Ал 2021-жылдан бери ири өлчөмдөгү алдамчылык үчүн издөөгө алынган, Бишкектин Первомай райондук ички иштер башкармалыгы тарабынан жарыяланган.
Первомай райондук сотунун токтому менен С.А. убактылуу кармоо жайына киргизилди.
Тергөө иштери уланууда.
