Ведомство тарабынан берилген маалыматка ылайык, аталган мекемелерде катаал жана адаттан тыш ыкмаларды "дарылоо" үчүн колдонушкан. Бейтаптар физикалык зомбулукка дуушар болушкан, электр шокерлер колдонулган, аларды отургучтарга жана төшөктөргө байлап, изоляцияланган жайларга жайгаштырышкан, бул болсо аларга физикалык жана оор психологиялык жаракаттарды алып келген.
Текшерүүлөрдүн жүрүшүндө күчтүү психотроптук заттар табылып, алынып салынды, алардын колдонулушу чектелген жана бейтаптарга каршы колдонулган.
Тергөөнүн алкагында төмөнкү жарандар кармалды: Э.у.Ч., К.К.Б., Р.Ф.С., Ж.А.Ж., К.Е., Р.В.Г. жана М.А.А.
Учурда ГКНБнын кызматкерлери бейтаптардын өлүмүнө байланыштуу бардык жагдайларды аныктоо үчүн оперативдүү-издөө иштерин улантууда. Тергөөнүн аяктоосунан кийин болгон окуяга юридикалык баа берилет.
