2026-жылдын 15-февралында «Теплые ключи» эс алуу жайында төрт адамды алып бараткан авто унаа жолдон чыгып, Аламедин дарыясына кулап кеткен трагедиялык окуя болду.
Чүй облусунун Ички иштер башкармалыгы берген маалыматка ылайык, окуя тууралуу билдирүү 15:30да Аламудун районунун ички иштер бөлүмүнө түшкөн. Окуя болгон жерге тергөө-оперативдик топ жөнөтүлгөн.
Алдын ала маалыматтар боюнча, 2000-жылы туулган С.Б. аттуу «Хюндай Соната» унаасынын айдоочусу Бишкек – «Теплые ключи» жолунун 15-км жеринде башкарууну жоготуп, унаа дарыяга кулап кеткен. Окуянын натыйжасында ал жана 20-25 жаштардагы азиялык көрүнүштөгү эки жүргүнчү, окуя болгон жерде алган жаракаттарынан каза болушту.
Башка жүргүнчү, 2000-жылы туулган Ж.А., ар кандай жаракаттарды алып, Чүй облустук ооруканасынын реанимация бөлүмүнө жаткырылган.
Учурда каза болгон эки кызды идентификациялоо процесси жүргүзүлүүдө. Зарыл болгон соттук-медициналык экспертизалар дайындалган.
Мындан тышкары, болгон окуянын бардык жагдайларын аныктоо максатында кеңири жана терең иликтөө жүргүзүлүүдө. Анын жыйынтыгы боюнча Кыргыз Республикасынын мыйзамдарына ылайык чечим кабыл алынат.
