МЧСтин маалымат кызматынын маалыматына ылайык, Чүй облусундагы Бороондуу жайытында издөө-куткаруу операциялары түн киргендиктен токтотулду.
Операцияга 55 адам катышып, иш учурунда кар массасынын астынан 20 койду табышты. Учурда жалпы табылган малдын саны 30 башты түздү.
Куткаруучулар лавина түшкөн жерден 5 чакырым алыста жайгашкан чабандардын үйүндө түнөп калышты. Издөө иштерине катышкан жергиликтүү тургундар үйлөрүнө кайтышты. Операция эртең, 15-февралда улантылат.
Turmush буга чейин билдиргендей, окуя 12-февралда болгон, 59 жаштагы эркек киши атта болуп, 50 койду айдап баратканда лавина астына калган.
Издөө иштеринин башталышы окуя тууралуу сигнал алынгандан бери уланууда. Жаңы кырдаалды жеке көзөмөлдөө менен өзгөчө кырдаалдар министри генерал-лейтенант Бообек Ажикеев иш алып барууда.
