Оперативдик кызматтардын маалыматына ылайык, 12-февралда саат 12:00дө Суусамыр айыл аймагынын Кызыл-Ой айылында жайгашкан Бороондуу жайлоосунда кар көчкү түшкөн. Кардын астында 1967-жылы туулган жергиликтүү жашоочу Д.А. калган. Ошондой эле, көчкү астында 50 кой жана 1 ат бар.
Окуя тууралуу маалымат Жайыл районунун өзгөчө кырдаалдар бөлүмүнө Кызыл-Ой айылынын башчысынын тарабынан келип түшкөн. Куткаруу иштерин уюштуруу үчүн Өзгөчө кырдаалдар министрлигинин күчтөрү тартылган.
Бүгүн эртең мененки саат 06:00дө окуя болгон жерге Жумгаль районунан 5 куткаруучу жетип келишти. Жалпы алганда, издөө операцияларына 24 МЧС кызматкери катышууда.
Издөө иштери уланууда, маалымат жаңы маалыматтар келип түшкөн сайын жаңыртылып турат.
