Чүй облусунун ИИББ УОБДДсынын маалыматы боюнча, 2026-жылдын 12-февралында Бишкек—Ош автожолунун 127-километри (Төө-Ашуу ашуусу) боюнча кар көчкү түшкөн. Ошондуктан бардык транспорт каражаттары үчүн убактылуу өтүүгө чектөө киргизилди.
Учурда жол кызматкерлери жолду тазалоо боюнча иштерди жүргүзүп, кыймылды кыска убакыттын ичинде калыбына келтирүүгө аракет кылышууда.
Чүй облусунун ИИББ УОБДД кызматкерлери окуя болгон жерде коопсуздукту камсыздап, транспорт агымын көзөмөлдөп турушат.
