Маалыматта, УКМКнын башчысынын жакында кызматтан кетиши менен байланыштуу маалыматтык мейкиндикте бир катар кызыкдар тараптардын улуттук коопсуздук органдарынын репутациясын бузууга аракет кылып жатканы белгиленген.
«Таратулаган пикирлер жана түшүндүрмөлөр бир тараптуу болуп, жарандардын мамлекеттик институттарга болгон ишенимин азайтууга багытталган», - деп баса белгилешти УКМКда.
Ишинин маанилүүлүгүн белгилеп, ведомство Конституцияга жана өлкөнүн мыйзамдарына ылайык иш алып барганын, «укуктук, объективдүүлүк жана коом алдында жоопкерчилик принциптерин жетекчиликке ала» турганын эске салды.
«Биздин ишибиздин приоритети мамлекеттин коопсуздугун камсыздоо, жарандардын укуктарын жана эркиндиктерин коргоо, ошондой эле терроризмге, экстремизмге, коррупцияга жана башка коркунучтарга каршы туруу», - деп кошумчалашты ведомстводо.
УКМК пайда болгон суроолор жана шектенүүлөр мыйзам чегинде, фактыларга жана текшерилген маалыматка таянып талкууланышы керек деген пикирди билдирди. «Доказательдик база жок мамлекеттик структуралардын репутациясын бузууга болгон аракеттер конкреттүү ведомствого гана эмес, коомдогу жалпы ишеним атмосферасына да зыян келтирет», - деп айтылат билдирүүдө.
Ведомство коомчулуктун, медиа өкүлдөрүнүн жана жогорку кызмат адамдарынын УКМК кызматкерлерине, «жогорку жоопкерчилик менен кызматтык милдеттерин аткарып жаткан» адамдарга катуу сын-пикирлерден алыс болууга чакырды.
«Мамлекеттин коопсуздугун камсыздоо боюнча иштер туруктуу жана принципиалдуу түрдө элдин жана мамлекеттин кызыкчылыгында улантылат», - деп ишендиришти маалымат кызматы.
