Чүй облусунда Ички иштер министрлигинин кызматкерлери жалган айдоочулук күбөлүк колдонгон айдоочуну кармашты, деп билдирет ведомствонун маалымат кызматы.
Жол кыймылынын коопсуздугун камсыздоо башкармалыгынын инспектору KIA Optima унаасын токтотту, анын рулунда 28 жаштагы Х.Ш. (1995-жылы туулган) аттуу жаран отурган.
Айдоочунун документтерин текшерүү учурунда күбөлүктүн жасалма экендигинин белгилери аныкталды.
Бул окуя расмий түрдө катталып, сот-техникалык экспертиза дайындалды.
Экспертизанын жыйынтыктарына ылайык, 2024-жылдын 29-мартында Х.Ш. аттуу жаранга берилген айдоочулук күбөлүк үй шартында колдонууга арналган тамчы-струйный принтер менен жасалган жана ГУ «Унаа» тарабынан берилген расмий бланктарга коюлган стандарттарга жооп бербейт. Натыйжада, бул документ жасалма деп табылды.
Ошондуктан, Кыргыз Республикасынын Кылмыш кодексинин 379-беренесине ылайык, документтерди жасалмалоо боюнча кылмыш иши козголду.
Айдоочу Кыргыз Республикасынын Кылмыш-процессуалдык кодексинин 96-беренесине ылайык кармалып, убактылуу кармоо жайына жайгаштырылды.
Учурда бул иш боюнча зарыл болгон тергөө иш-чаралары улантылууда.
