Бул демилгени ишке ашыруу алкагында түнкү клубдарга жана жаштардын эс алуу үчүн чогулуп жаткан жерлерине көзөмөл жүргүзүлөт.
Текшерүүлөргө ИИМдин СБНОН кызматкерлери, атайын бөлүктүн жоокерлери, райондук ички иштер башкармалыктарынын кызматкерлери жана наркотикалык заттарды издөө үчүн атайын окутулган иттер катышууда.
Операциянын биринчи этабында «Вегас» түнкү клубу жана «Телепорт» диско-бары сыяктуу жайлар текшерилди.
Наркотиктерди алдын алуу жана алар менен күрөшүү боюнча иш-чаралар туруктуу өткөрүлүп турат. Операциянын негизги максаты — наркотиктердин жана психотроптук заттардын мыйзамсыз жүгүртүлүшүнүн алдын алуу, ошондой эле Бишкекте жарандардын коопсуздугун жана тартипти камсыз кылуу.
Башкалаанын ИИМи жарандарды наркотиктердин мыйзамсыз жүгүртүлүшү жана алардын сакталган жерлери тууралуу маалыматты 102 телефонуна билдирүүгө чакырат, маалымат бергичтердин анонимдүүлүгүн кепилденет.
