Укук коргоо органдарынын маалыматына ылайык, аял 5-февралда арыз берген. Ал трагедия 15-октябрда болгонун билдирди. Күйгүзүүдөн мурда күйөөсү аны катуу сабап, андан соң күйүүчү зат менен куюп күйгүзгөн.
Баштапкы териштирүү учурунда милиция экөө тең кырсык натыйжасында күйүк алгандыгын маалымдаган, бул алардын оор абалына байланыштуу сурак өткөрүүнү кыйындаткан.
Кийинчерээк эр киши аялына балдарын өлтүрөм деп коркутуп, аны окуянын кырсык болгонун айтууга мажбурлаганы белгилүү болду. Аял Бишкекте эки ай дарыланып, күйөөсүнүн кайрадан зомбулук көрсөтүүсүнөн кийин гана чындыкты энесине айтып берди.
Окуя боюнча «Саламаттыкка оор зыян келтирүү» беренеси боюнча кылмыш иши козголду. Шектүү кармалды.
Омбудсмен институтунун маалыматына ылайык, аялына күйгүзгөн эр киши Талас мэриясында иштейт.
Маалыматтарга ылайык, жабырлануучу денесинин 60% күйүк алган жана кайрадан дарылоого муктаж. Учурда ал Бишкекте балдары менен бирге.
Мындан тышкары, аялга медициналык жардам гана эмес, психологикалык колдоо да керек экени белгиленди.
