31-январда Первомай РУВДсына Ж.А. аттуу жаран кайрылып, BMW X5 унаасынан 8 миң сомдук акча бар барсетканы уурдатып кеткенин билдирди. Унаа Панфилов көчөсүнө токтоп турган, кылмышкерлер кылмыш болгон жерден качып кетүүгө үлгүрүшкөн.
Бишкек ГУВДсынын сүрөтү
Бул окуя боюнча Кыргыз Республикасынын Кылмыш кодексинин 205-беренеси «Уурулук» боюнча кылмыш иши козголду.
Оперативдик иш-чаралардын жүрүшүндө кылмыш иликтөө кызматкерлери шектүүнүн жеке башын аныкташты — А.Б. аттуу жаран кармалып, Кыргыз Республикасынын Кылмыш процессуалдык кодексинин 96-беренесине ылайык убактылуу кармоо жайына жайгаштырылды.
Милициянын маалыматы боюнча, кармалган жаран башка ушундай кылмыштарга да тиешеси болушу мүмкүн. Анын башка уурулуктарга катышы текшерилип жатат.
Бишкек ГУВДсы жарандарга унааларында кымбат баалуу буюмдарды, документтерди жана акчаларды кыска убакытка да калтырбоону катуу сунуштайт, анткени бул уурулукка кабылыш мүмкүнчүлүгүн жогорулатат.
