Окуя 2025-жылдын 8-декабрында болгон, ошол учурда жаш жигит милицияга кайрылган. Ал достору жана эки кыз менен Красная көчөсүндөгү мейманканада эс алып жатканын айтып берген. Кенеттен алардын номерине белгисиз адамдар кирип келип, аны сабап, мобилдик телефонун алып, 6700 сомду электрондук капчыкка өткөрүүгө мажбурлашкан.
Бул факт боюнча Кыргыз Республикасынын Кылмыш-жаза кодексинин 206-беренеси ("Тоноо") боюнча кылмыш иши козголгон.
Укук коргоо органдары 2007-жылы туулган Т.Д. аттуу жаш жигитти кармоого жетишишти. Ал убактылуу кармоо жайына жайгаштырылды.
Тергөөнүн жүрүшүндө уурдалган смартфонду шектүү 10 миң сомго сатканы жана алынган акчаны короткону аныкталды.
Экинчи шектүүнү аныктоо боюнча иштер улантылууда.
