Чүй облусунун ГУВДсынын маалымат кызматынын маалыматына ылайык, шектүүлөр алдамчылык жана ишенимди кыянаттык менен пайдалануу аркылуу мүлктүн укугун өздөрүнө өткөрүп, андан кийин батирди үчүнчү жактарга сатып, материалдык пайда табууну көздөгөн.
Бул мыйзамсыз аракеттердин натыйжасында жабырлануучуга 80 миң доллар өлчөмүндө зыян келтирилген.
Окуя боюнча Кыргыз Республикасынын Кылмыш кодексинин 209-беренесинде (Алдамчылык) көрсөтүлгөн кылмыш белгилери боюнча кылмыш иши козголгон.
Оперативдүү-издөө иш-чараларынын жүрүшүндө милиция кызматкерлери шектүүлөрдүн жеке башын аныктоого жетишишти — 1995-жылы туулган И. А. жана 1994-жылы туулган М. Э. Алар Кыргыз Республикасынын Укук бузуулар кодексинин 96-беренесинин нормаларына ылайык кармалып, убактылуу кармоо жайына жайгаштырылды.
