УКМК, Ички иликтөө башкармалыгынын жана Ички иштер министрлигинин Ички иликтөө кызматынын кызматкерлеринин биргелешкен ишинин натыйжасында, жосунсуз иштерди кылгандар ИК-16нын кызматкери Ж.Д. жана Первомай районунун милиционери Т.Н. болуп чыккандыгы аныкталды. Тергөө маалыматтарына ылайык, 2024-жылдын декабрынан 2025-жылдын апрелине чейин алар ИК-1деги соттолгон жарандан кечирим берүү маселесин чечүү үчүн чоң суммадагы акча талап кылып, алдап алышкан. Бирок, акыры, соттолгон адамга кечирим берүү боюнча баш тартылган.
Бул кылмыш Кыргыз Республикасынын Кылмыш-жаза кодексинин 204-беренесинин 4-бөлүгүнө ("Кызматтык абалынан пайдаланып алдамчылык") ылайык бааланууда.
Учурда кармалгандар УКМКнын убактылуу кармоо жайына жайгаштырылды.
