Алдамчылар жарандарды кандайча алдайт:
- Белгилүү бренддерди колдонуу.
Жаман ниеттүүлөр көп учурда белгилүү компаниялар, банктар же мамлекеттик мекемелердин атына кирип, алардын ишмердүүлүгүнүн легитимдүүлүгү тууралуу жалган түшүнүк түзүшөт.
- Жеңил киреше убадасы.
Алдамчылар ар кандай «проекттерге» инвестиция салууну сунуштап, эч кандай аракетсиз жогорку киреше убада беришет.
- Ишеним түзүү үчүн биринчи төлөмдөр.
Кичинекей сумма салгандан кийин, алар сизге «киреше» шылтоосу менен 1–2 жолу акча кайтарып беришет. Бул сиздин жеке каражатыңыз же башка курмандыктардын акчасы экенин эске алыңыз!
- Блокировка жана жоголуу.
Эгер сиз көбүрөөк инвестициялоону чечсеңиз, алдамчылар дароо сизди блокдоп, топтордон алып салышат, натыйжада сиз каражатыңызды жоготосуз.
Өзүңүздү кантип коргоого болот?
- Жылдам жана жогорку киреше убадасына ишенбеңиз.
Эгер киреше банктын ставкаларынан кыйла жогору болсо, бул алдамчылыктын ачык белгиси.
- Лицензияларды текшериңиз.
Инвестициялык ишмердүүлүк Улуттук банк же башка ыйгарым укуктуу органдардан лицензиясы болгондо гана жүргүзүлүшү керек.
- Мессенджерлердеги анонимдүүлүккө көңүл буруңуз.
Эгер компания расмий кеңсеси жок болсо жана байланыштарды негизинен мессенджерлер аркылуу жүргүзсө, андан алыс болуу жакшы.
ИИМ жарандарды мындай учурлар тууралуу милицияга 102 кыска номерин терип билдирүүгө чакырат.
