Мэрия тарабынан берилген маалыматка ылайык, 1-февралда Ош шаардык муниципалдык инспекциясы Алымбек-Датка көчөсүндөгү 254-үйдүн адресинде мыйзамсыз курулуш иштерин текшерүү жүргүзгөн.
«Текшерүүнүн натыйжасында «Юнайт Девелопмент» компаниясы тарабынан жасалган мыйзам бузуу фактылары аныкталды. Экскаватордун эки айдоочусуна мыйзам бузуулар кодексине ылайык протоколдор түзүлүп, айып пулдар салынды», — деп айтылат билдирүүдө.
Ошондой эле, каналдын коргоо зонасында жайгашкан объекттин ээси мыйзамсыз түрдө жээктерин өзгөртүүгө аракет кылганы аныкталды. Окуя болгон жерге тиешелүү муниципалдык жана көзөмөл органдары чакырылды», — деп кошумчалашты маалымат кызматы.
Мэриянын маалыматына ылайык, ээлер каналдын агымын бизнес борборун куруу үчүн бурууну пландашкан. Бул боюнча зарыл документтер түзүлүп, материалдар тергөө органдарына өткөрүлдү. Учурдагы мыйзамдарга ылайык юридикалык баа берилет.
Мэрия каналдардын жээктерин уруксаты жок өзгөртүү катуу тыюу салынганын баса белгилейт. Каналдар менен байланышкан бардык жер казуулар (анын ичинде казуу жана жээктерди өзгөртүү) ыйгарым укуктуу мамлекеттик жана муниципалдык структуралардын макулдугу менен гана жүргүзүлүшү керек. Мыйзам бузгандарга тиешелүү чаралар көрүлөт.
