Бишкекте милиция кызматкерлери мыйзамсыз наркотик сатууга шектелген адамды кармашты, деп билдирет Первомай районунун Ички иштер башкармалыгы.
Окуя 2026-жылдын 31-январында болгон. Огородная көчөсүндө патрульдоо учурунда, милиция кызматкерлеринин бири белгисиз жарандын шектүү жүрүш-турушун байкаган. Кийинчерээк жүргүзүлгөн байкоо учурунда бул адам район жана шаар ичинде "закладка" ыкмасы менен наркотиктерди таратып жаткандыгы аныкталган.
Ошондуктан, окуя боюнча Кыргыз Республикасынын Кылмыш кодексинин 282-беренеси боюнча мыйзамсыз наркотикалык каражаттарды жана психотроптук заттарды өндүрүү жана сатуу боюнча кылмыш иши козголгон.
Оперативдүү-издөө иш-чараларынын натыйжасында 16 жаштагы Т.Б. аттуу жаран кармалган. Кармоо учурунда ал өзү закладкалар жасалган жерлерди көрсөтүп, наркотикалык заттар менен 29 термоусадочный ороомду өткөрүп берген. Кармалган адам убактылуу кармоо жайына жайгаштырылган.
Бул иш боюнча тергөө уланууда.
