Бул окуянын натыйжасында төрт баласы бар үй-бүлө башпанасыз калды жана убактылуу ижарага алынган батирге көчүүгө мажбур болду.
Үй-бүлөнүн башчысы Шамшарбек Сейитбеков үйдү сентябрда 2 миллион сомго сатып алышканын билдирди. Ал жубайы менен үч кыз жана бир уул тарбиялап жатышат. Окуядан кийин үй-бүлө бир нече убакыт коңшулардын вагончосунда жашады, бирок учурда жергиликтүү бийлик аларга убактылуу турак жай табууга жардам берди.
«Биздин болжолдорубузга ылайык, өрт мештин түтүкчөсүнөн башталган болушу мүмкүн. Окуя болгон учурда үйдө болгону балдар эле. Тагдырга шүгүр, эч ким жаракат алган жок. Биз күйгөн чатырыбызды алып, үйдү тазалоо ишин баштадык. Бизге курулуш материалдары боюнча шашылыш жардам керек, ошондуктан коомчулуктан колдоо сурадык», - деди ал.
