Маалыматка ылайык, Свердлов районунун Ички иштер бөлүмүнө 17-январда Б.Ч. аттуу жаран кайрылып, 2025-жылдын 18-декабрында саат 21:30 чамасында анын уулун Широкая көчөсүндө белгисиз адамдардын уурдап кеткенин билдирген.
Аял билдиргендей, кылмышкерлер, ага коркутуу жасап жана психологиялык басым көрсөтүп, уулунун наркотикалык ишмердүүлүккө катыштыгы бар деген жалган таасир калтыруу үчүн видео тарткан. Бул видео кийин 400 миң сом талап кылуу менен шантаждоо үчүн колдонулган.
Тергөө иштеринин натыйжасында КРнын Жазык кодексинин 208-беренеси ("Вымогательство") боюнча кылмыш иши козголгон.
Оперативдүү-издөө иш-чаралары учурунда 17ден 18 жашка чейинки беш шектүү 400 миң сом өткөрүп бергенден кийин кармалган.
