Анын айтымында, өлкөнүн бардык аймактарында жарандардын коопсуздугун жогорулатуу үчүн видеокөзөмөлдү 24 саат бою жүргүзүүчү кырдаалдык борборлор иштеп жатат.
«Республикада коомдук жайларда иштеген 3 миңден ашык камера орнотулган. Ар бир катталган укук бузуулар райондук ички иштер органдарынын аймактык бөлүмдөрүнө мыйзамга ылайык кийинки аракеттер үчүн жөнөтүлөт», — деп белгиледи Алмаз Батырбаев.
Ал ошондой эле, 2026-жылы «Коопсуз өлкө» долбоорунун экинчи этабынын алкагында 20 миң кошумча видеокамера орнотуларын кошумчалады.
«Орнотуу процесси этап-этабы менен өтөт. Алгач кызматкерлер кылмыштардын көп катталган райондорду изилдешет. Мындан тышкары, видеокамераларды орнотуу үчүн 24 сааттык электр энергиясы жана интернет байланышы сыяктуу тиешелүү инфраструктура керек. Камералар ар кандай типте болот: кээ бирлери 360 градуска айланат, ал эми башкалары туруктуу болуп, бир тарапка карайт», — деп түшүндүрдү Алмаз Батырбаев.
