Тергөө версиясы боюнча, Ош шаардык ички иштер башкармалыгынын ГОМ-3 бөлүмүндө иштеген милиция лейтенанты У.О.Ш. чет өлкөлүк жарандарга кысым көрсөтүп, алардын шаарда иштеп жатканына пайдаланып, мигранттардын керектүү уруксат документтери жок экенин билгендиктен, алардан «крышевание» үчүн айына 5тен 20 миң сомго чейин төлөм талап кылган. Эгер төлөбөсө, айыппул жана депортация менен коркуткан.
Шектүүнүн кармалышы 21-январда мигранттардан акча алган учурда болгон. Азыркы учурда ал ГКНБнын убактылуу кармоо жайына жайгаштырылды.
Тергөөнүн иш-чаралары уланууда жана бул ишке тиешеси бар башка адамдар аныкталууда.
