Ош шаарынын Ички иштер башкармалыгынын маалымат кызматы берген маалыматка ылайык, окуя Ноокат райондук ички иштер бөлүмүндө 20-январда катталган. Маалымат келгенден кийин, окуя болгон жерге участковый инспектор чыгып, биринчи иликтөө жүргүзүп, үйдөгү бир терезе пакети бузулганын, экинчиси болсо бүтүн экенин аныктаган. Андан соң инспектор чогултулган маалыматтарды тергөөчүгө өткөрүп, күбөлөрдү сураштыруу иштерин уланткан.
Ички иштер башкармалыгы чакыруу келген учурда тергөө-оперативдик топтун башка бир адамдын өлүмүнө байланыштуу окуяга барышканын түшүндүрдү. Ошондуктан, милициянын «чакырууга жооп бербегендиги» тууралуу маалымат туура эмес.
Учурда бул факт боюнча экспертизалар жүргүзүлүүдө жана терең иликтөө жүргүзүлүүдө.
Ички иштер башкармалыгы жарандарды текшерилбеген ушактарды таратуудан качууга жана расмий маалымат булактарына гана таянууга чакырат.
