Кыргызстандын түштүгүндө үч балл күчүндө жер титирөө болду

17-январь күнү саат 19:11де Кыргызстандын түштүгүндө магнитудасы 3 балл болгон жер титирөө катталды. Бул маалыматты Улуттук илимдер академиясынын Сейсмология институту берген.

Жер титирөөнүн эпицентри Советтер айылынан 5 км түштүк-батышта, Сары-Отек айылынан 9 км түштүк-чыгышта, Кызыл-Коргон айылынан 18 км түштүк-чыгышта жана Баткенден 42 км түндүк-чыгышта жайгашкан.

Маалыматтарга ылайык, Советтер айылында 2,5 балл интенсивдүүлүк менен титирөөлөр сезилген.