Кыргыз Республикасынын Сейсмология институтунан маалымдашкандай, 17-январда саат 19:11де сейсмикалык сокку катталды, анын күчү эпицентрде 3 баллды түздү.
Жер титирөө Баткен облусунун Кадамжай районунда жайгашкан Совет айылында сезилди, анда анын күчү 2,5 баллга жетти. Эпицентр бул айылдан 5 км түштүк-батышта, Кызыл-Коргон айылынан 18 км чыгышта жана Баткен шаарынан 42 км түндүк-чыгышта жайгашкан.
Алдын ала маалыматтар боюнча, жер титирөөдөн жабыркагандар жана кыйраган имараттар катталган жок.
