Устат кыз окуучуну сабады: Уулунун ата-энеси арыз жазуудан баш тартты

Бишкекте, №87 мектебинде, 1983-жылы туулган мугалим К.Д. сабак учурунда окуучусу менен болгон инциденттен кийин кармалды, деп билдирет Свердлов районунун Ички иштер башкармалыгынын басма сөз кызматы.

Жакында социалдык тармактарда мугалимдин окуучусуна физикалык күч колдонгон моментин тарткан видео пайда болду.

Учурда тергөө иштери жүргүзүлүп, экспертизалар өткөрүлүүдө, ошондой эле болгон окуянын бардык жагдайлары аныкталууда.

Текшерүүнүн жыйынтыгы боюнча Кыргыз Республикасынын мыйзамдарына ылайык, аракеттерге юридикалык баа берилет.

Полициядан билдиришкендей, жабыркаган окуучунун ата-энеси арыз жазуудан баш тартышкан жана мугалимге эч кандай доо жок.

Тергөө уланууда.

Мугалим инцидент 14-январда болгонун айтты. «Мен бир нече жолу теманы окуучуга түшүндүргөнүм менен, ал жооп бере алган жок. Мен нааразы болуп, аны урдум. Кыргызстандыктардан жана окуучунун ата-энесинен кечирим сурайм», - деди ал.

Мурдараак Билим берүү министрлиги Ички иштер министрлиги менен биргеликте инциденттин бардык жагдайларын аныктоо боюнча иштер башталганын билдирген. Бишкек шаардык билим берүү департаменти №87 мектептеги кырдаалды тергөө үчүн атайын комиссия түздү.