Бишкектеги өрттөн бир чет өлкөлүк жаран каза болду, деп билдирет Өзгөчө кырдаалдар министрлигинин маалымат кызматы. Окуянын натыйжасында 38 адам эвакуацияланды.
Өрт Свердлов районунда жайгашкан жатаканада болгон. Окуя болгон жерге келген өрт өчүрүүчүлөр саат 10:20га чейин отту толугу менен өчүрүүгө жетишишти.
Өрттү өчүрүүгө бир жоокердик эсеп жана штаб катышты.
Бишкек шаарындагы Өзгөчө кырдаалдар башкармалыгынын кезметтеги өкүлүнүн маалыматы боюнча, урандыларды тазалоо учурунда 2004-жылы туулган чет өлкөлүк жарандын денеси табылган. Эвакуация 38 адамды камтыды.
Өрттүн жалпы аянты болжол менен 20 чарчы метрди түздү.
